Qərb bölgəsində dörd yanğın olub.
Gencexeber.az Fövqəladə Hallar Nazirliyinə istinadən (FHN) məlumat verir ki, qurum Qərb bölgəsinin müxtəlif ərazilərində qeydə alınan yanğınların söndürülməsinə canlı qüvvəsini və texnikasını cəlb edib. Aşağıda qeyd edilən hadisələrə müdaxilə edən əməkdaşlar alovun yaxınlıqdakı tikililərə keçməsinin qarşısını alıblar. Yanğınlar söndürülüb. Nəticədə:
- Gəncə şəhərində ümumi sahəsi 12 m² olan köməkçi tikilinin dam örtüyünün taxta atmaları yanıb;
- Goranboy rayonunun Hazırəhmədli kəndində “Mercedes” markalı minik avtomobilinin yanar hissələri yanıb;
- Tovuz rayonunun Dondar Quşçu kəndində “VAZ” markalı minik avtomobilinin idarəetmə lövhəsi və salonu qismən yanıb;
- Gədəbəy rayonunun Pərizamanlı kəndində ümumi sahəsi 220 m² olan kürsülü, birmərtəbəli 3 otaqlı evin yanar konstruksiyaları yanıb.
