Gəncə təmsilçisi növbəti voleybolçu ilə anlaşıb. Bu haqda 11 sentyabr tarixində Report-a istinadən məlumat veririk.
Qadın voleybolçulardan ibarət “Gəncə” klubu heyətini gücləndirməkdə davam edir. Təmsilçimiz serbiyalı voleybolçu Tiana Yovanoviçlə anlaşıb. Onunla müqavilə bir il müddətinə nəzərdə tutulub.
Yovanoviç ötən mövsümü ölkəsində “GZOK Serm” komandasında keçirib. Daha əvvəl isə “Jelezniçar", “Valyeva”, Belqrad”, “İnciya” və “ZOK Novi-Sad” klublarının şərəfini qoruyub.
Qeyd edək ki, “Gəncə” VK bundan öncə Azərbaycan milli komandasının üzvləri Nərmin Fərəcova, Leyla Parşkova, braziliyalı Fernanda Melo, rusiyalı Olqa Zaxarova, İrina Klimanova və Anastasiya Salina ilə anlaşıb.
