Gəncə təmsilçisi daha üç idmançını heyətinə cəlb edib. Bu haqda 27 oktyabr tarixində basketbol klubuna istinadən məlumat veririk.
“Gəncə” BK amerikalı basketbolçularla anlaşıb. Onlar Culs Mur, İrşad Hant və Natan Sprinqsdir. Hər üç oyunçu ilə müqavilə mövsümün sonuna qədər nəzərdə tutulub.
204 sm boya malik Mur hücumçu mövqeyində oynayır. Onun son klubu ABŞ təmsilçisi “UNT Dallas” olub. 206 sm boylu İrşad ampluaca hücumçudur. Basketbolçu son olaraq Portuqaliya “Belenenseş”ində oynayıb.
Boyu 208 sm olan Natanın isə son klubu vətənindəki “Uinston-Salem State” olub. Sprinqs müdafiəçi mövqeyində oynayır.
