Gəncədə market sahibi cərimələnib. Bu haqda 7 fevral tarixində Azərbaycan Respublikasının Qida Təhlükəsizliyi Agentliyi (AQTA) məlumat paylaşıb.
AQTA müfəttişləri şəhər ərazisində reydlər keçiriblər. Şəhərin Mir Cəlal Paşayev küçəsində yerləşən "Əminə" marketdə nöqsanlar aşkarlanıb. Burada mənşəyi məlum olmayan "nehrə yağı", pendir və turşu məhsulları satışa çıxarılıb. Marketin anbarında sanitariya normalarının, mal qonşuluğu prinsipinin kobud şəkildə pozulması müəyyən olunub.
Nəticədə obyekt sahibi inzibati məsuliyyətə cəlb olunub, mənşəyi məlum olmayan məhsulların satışının qarşısı alınıb. Araşdırmalar davam edir.
