Fermer çobanının sənədlərini əlindən alaraq onu məcburi əməyə cəlb edib.
Gencexeber.az-ın məlumatına görə, hadisə Ağstafa rayonunda baş verib. Belə ki, təqsirləndirilən Etibar 2022-ci ildə zərərçəkmiş Yaşarı özünə məxsus evin həyətyanı sahəsində yerləşən heyvandarlıq fermasına gətirib. Sonra o, zərərçəkmiş şəxsə məxsus hərbi bileti, şəxsiyyət vəsiqəsini, müharibə veteranı vəsiqəsini və təqaüd kartını alıb özündə saxlayıb. Təqsirləndirilən şəxs qeyd edilən tarixdən etibarən Yaşarı insan yaşayışı üçün heç bir şəraiti olmayan yarımtikilinin hamam otağında saxlayıb. Ona ferma təsərrüfatındakı xırdabuynuzlu heyvanlara gündəlik qulluq etməsi barəd tapşırıq verib. Ondan icazəsiz harasa gedəcəyi təqdirdə həbs etdirəcəyini bildirib.
Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşları tərəfindən aparılan araşdırmalarla fermanın sahibi Etibar və onun məcburi əməyə cəlb etdiyi zərərçəkmiş Yaşar müəyyən edilib.
Daha sonra Etibar barəsində həbs qətimkan tədbiri seçilib.
Gəncə Ağır Cinayətlər Məhkəməsində keçirilən iclasda fermer Etibar 6 il azadlıqdan məhrum edilib.
