Tovuzda yaşlı kişi bədbəxt hadisə nəticəsində vəfat edib.
Gencexeber.az məlumat verir ki, hadisə rayonun Abulbəyli kəndində baş verib.
Belə ki, 1960-cı il təvəllüdlü Mehdi İsmayılov yaşadığı evdə təmir işləri aparan zaman yıxılaraq ağır bədən xəsarətləri alıb. Adıçəkilən şəxs Tovuz rayon Mərkəzi Xəstəxanasına aparılıb.
Həkimlərin səyinə baxmayaraq, M.İsmayılovun həyatını xilas etmək mümkün olmayıb. O, xəstəxanada vəfat edib.
Hadisə yerinə polis və prokurorluq orqanı əməkdaşları cəlb olunub. Faktla bağlı Tovuz rayon Prokurorluğunda araşdırma başlanılıb.
