Gəncədə məktəb müəllimləri təltif olunublar. Bu haqda 7 oktyabr tarixində Regional Təhsil İdarəsinə istinadən məlumat veririk.
Elm və təhsil naziri Emin Əmrullayev əmr imzalayıb. Sənədə əsasən, Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrində çalışan bir sıra təhsil işçisi təhsilin inkişafındakı xidmətlərinə, gənc nəslin təlim-tərbiyəsi sahəsində yüksək nailiyyətlər əldə etdiklərinə görə və 5 oktyabr- Beynəlxalq Müəllimlər Günü münasibətilə "Azərbaycan Respublikası qabaqcıl təhsil işçisi döş nişanı” ilə təltif ediliblər. Nizami yurdunda çalışan müəllimlərin siyahısını təqdim edirik:
- Məhbubə Həsənova - 27 nömrəli Fizika, riyaziyyat və informatika təmayüllü məktəb-liseyin ibtidai sinif müəllimi;
- Şəhla Paşayeva - 1 nömrəli tam orta məktəbin tarix müəllimi;
- Məleykə Əmiraslanova - 28 nömrəli tam orta məktəbin ibtidai sinif müəllimi;
- Şəfiqə Mansırova - 5 nömrəli tam orta məktəbin Azərbaycan dili və ədəbiyyat müəllimi;
- Məhəmməd Əliyev - 1 nömrəli Uşaq-Gənclər İdman Şahmat Məktəbinin boks bölməsi üzrə məşqçi-müəllim;
- Nəhayət İsmayılova - 10 nömrəli tam orta məktəbin Azərbaycan dili və ədəbiyyat müəllimi;
- Təranə Hacıyeva - 13 nömrəli tam orta məktəbin musiqi müəllimi;
- Vəsilə Əkbərova - 2 nömrəli tam orta məktəbin ingilis dili müəllimi.
