Ağstafada dönərdən zəhərləndikləri ehtimal olunan sakinlər evə buraxılıb.
Gencexeber.az-ın məlumatına əsasən, Ağstafa Mərkəzi Rayon Xəstəxanasına qida zəhərlənməsi ilə müraciət edən 10 nəfərə zəruri tibbi yardım göstərilib və vəziyyətləri qənaətbəxş olduğu üçün ambulator müalicəyə buraxılıblar.
Xatırladaq ki, zərərçəkənlərin Ağstafa şəhərində fəaliyyət göstərən kafelərin birindən alınmış dönərlərdən zəhərləndikləri ehtimal olunur.
Faktla bağlı araşdırma aparılır.
13 fevral. 21:43
Dönərdən 10 nəfər zəhərlənib
Ağstafada dönərdən zəhərlənmə halı qeydə alınıb.
Gencexeber.az-ın əldə etdiyi məlumata görə, hadisə rayon mərkəzində yerləşən dönərxanaların birində qeydə alınıb.
İlkin məlumata görə, 10 nəfər zəhərlənmə diaqnozu ilə Ağstafa rayon Mərkəzi Xəstəxanasına çatdırılıb. Hazırda həmin şəxslərin şəxsiyyəti müəyyənləşdirilir.
