Tovuz rayonunda ailə münaqişəsi faciə ilə nəticələnib.
Gencexeber.az-ın əldə etdiyi məlumata görə, hadisə mübahisə zəminində baş verib. 1994-cü il təvəllüdlü Kainat Namazov öz ailə üzvlərinə hücum edib. Nəticədə onun anası, 1970-ci il təvəllüdlü Sevinc Həsənova qətlə yetirilib, bacısı – 2000-ci il təvəllüdlü Aliyə Namazova isə xəsarət alıb.
Hadisədən sonra evə od vurulub. Əraziyə Fövqəladə Hallar Nazirliyinin Tovuz rayon Yanğından Mühafizə Hissəsinin briqadası cəlb olunub. Qurumun əməkdaşlarının səyi nəticəsində alovun qarşısı alınıb.
Qanlı hadisəni törətməkdə şübhəli bilinən Kainat Namazov polis tərəfindən saxlanılıb. İlkin məlumatlara görə, onun ruhi xəstə olduğu bildirilir.
Faktla bağlı araşdırma aparılır.
