“Səs Azərbaycan” müsabiqəsinin münsiflər heyəti gəncəli Arzu Hüseynovun ifasını yüksək qiymətləndirib.
Gencexeber.az məlumat verir ki, İctimai televiziyada yayımlanan “Səs Azərbaycan” müsabiqəsinin görmədən seçimlər mərhələsində daha bir iştirakçı Gəncəni təmsil edib.
Arzu Hüseynov adlı gənc məşhur “Tiryakinim” mahnısını ifa edib. Onun təqdimatı münsiflər heyətini biganə qoymayıb. Röya Ayxan, Murad Arif və Zülfiyyə Xanbabayeva öz təşəkkürlərini bildirərək, istedadlı gənci komandalarına dəvət ediblər. Arzu Hüseynov bir qədər fikirləşdikdən sonra Röya Ayxanın komandasını seçib.
Qeyd edək ki, Gəncə şəhərində dünyaya gəlib, boya-başa çatan Arzu Hüseynov Gəncə şəhər 31 nömrəli tam orta məktəbin şagirdi olub.
