Gəncədə dəmirkəsən avadanlıq hərraca qoyulur. Bu haqda 2 oktyabr tarixində Əmlak Məsələləri Dövlət Xidmətinə istinadən məlumat veririk.
"Nazim və Oğulları" MMC Rauf Mirzəyevə məxsus olan dəmirkəsən dəzgahı satışa çıxarıb. Əmlak M.Xələfov küçəsindəki Texnologiya Universitetinin yataqxanasının qarşısında yerləşir.
Daşınar əmlakın ilkin satış qiyməti 5.000 manatdır.
Hərrac 25 oktyabr 2023-cü il tarixində saat 12:00-da Əmlak Məsələləri Dövlət Xidmətinin Əmlak Xidmətləri Məkanının 2-ci mərtəbəsində (Bakı şəhəri, Xəlil Rza Ulutürk küçəsi, 20 ünvanında) keçiriləcək.
