Gəncə Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən İbrahim İbrahimovun (soyadı şərtidir) cinayət işi üzrə məhkəmə istintaqı başa çatıb.
İttihama əsasən, hadisə ötən il Goranboy rayonunun Düzqışlaq kəndində baş verib.
Belə ki, İbrahim İbrahimov həmin kənddə onunla qonşu olan əmisi oğlu Azər İbrahimovla (soyadı şərtidir) həyətyanı sahələrini bir-birindən ayıran çəpərin yerinin müəyyənləşdirilməsi ilə bağlı mübahisə ediblər. Təqsirləndirilən şəxs küçədə əmisi oğluna bir neçə daş atıb. Nəticədə Azər ağır xəsarətlər alıb.
Məhkəmədə təqsirləndirilən şəxs qismində dindirilən İbrahim İbrahimov ona elan olunmuş ittihamı qismən qəbul edib. O, ifadəsində Azərin hər gün evinin qarşısına gələrək onu nalayiq ifadələrlə təhqir etdiyini və alçaltdığını söyləyib.
Hakim Dadaş İmanovun sədrliyi ilə keçirilən prosesdə hökm oxunub.
Məhkəmənin hökmü ilə ona 4 il müddətə azadlıqdan məhrumetmə cəzası təyin edilib.
Mənbə: modern.аz
