Gəncədə şagird qəbulunda üstünlük veriləcək məktəblərin adı açıqlanıb. Bu haqda 25 aprel tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin tabeliyindəki ümumi təhsil müəssisələri üzrə I sinfə qəbul prosesində prioritet tətbiq olunacaq məktəblərin siyahısı təqdim olunub. Təhsil ocaqlarında şagird qəbulu sərbəst formada və prioritetə (üstünlük hüququ) əsasən aparılacaq.
Prioritet tətbiq olunacaq ümumtəhsil məktəblərinin siyahısı aşağıdakı kimidir:
- İ.Qayıbov adına 1 nömrəli tam orta məktəb - Azərbaycan, rus bölmələri;
- M.Mehdizadə adına 4 nömrəli xarici dil təmayüllü məktəb-lisey - Azərbaycan, rus bölmələri;
- M.Hadi adına 10 nömrəli tam orta məktəb - Azərbaycan, rus bölmələri;
- V.Əliyev adına 12 nömrəli tam orta məktəb - Azərbaycan bölməsi;
- M.Müşfiq adına 14 nömrəli tam orta məktəb - Azərbaycan, rus bölmələri;
- M.Ş.Vazeh adına 16 nömrəli tam orta məktəb - Azərbaycan, rus bölmələri;
- İ.Məmmədov adına 27 nömrəli məktəb-lisey - Azərbaycan bölməsi;
- 28 nömrəli tam orta məktəb - Azərbaycan, rus bölmələri;
- 32 nömrəli tam orta məktəb - Azərbaycan, rus bölmələri;
- M.C.Paşayev adına 39 nömrəli tam orta məktəb - Azərbaycan, rus bölmələri;
- İ.Nəsimi adına 44 nömrəli məktəb-lisey - Azərbaycan bölməsi.
Qeyd edək ki, ümumi təhsil müəssisələrinin birinci siniflərinə şagird qəbulu üzrə uşaqların qeydiyyatı 1 may tarixindən www.mektebeqebul.edu.az elektron portalı vasitəsilə aparılacaq.
