2020-ci ilin 8 noyabrında 44 gün davam edən Vətən müharibəsi nəticəsində Şuşa şəhəri işğaldan azad edildi və bu möhtəşəm gün Azərbaycanda Zəfər Günü kimi qeyd olunur.
27 sentyabr 2020-ci ildə başlayan müharibə müddətində Azərbaycan Ordusu Cəbrayıl, Füzuli, Zəngilan, Qubadlı, Şuşa şəhərləri ilə yanaşı, Zəngilan və Xocavənd rayonlarının bir neçə qəsəbəsini, yüzlərlə kəndi və mühüm strateji yüksəklikləri düşməndən azad etdi.
10 noyabr 2020-ci ildə Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyan arasında imzalanan üçtərəfli bəyanat müharibənin başa çatdığını və Azərbaycanın tarixi qələbəsini rəsmiləşdirdi.
Zəfər Günü Silahlı Qüvvələrin Müzəffər Ali Baş Komandanı, Prezident İlham Əliyevin 2020-ci il dekabrın 3-də imzaladığı sərəncamla təsis edilib. Bu gün hər il ölkə üzrə böyük sevinc, minnətdarlıq və vətənpərvərlik ruhu ilə qeyd olunur.
