Bu gün tanınmış aktyorumuzun doğum günüdür. Bu haqda Gencexeber.az 6 dekabr tarixində məlumat verir.
Elxan Yunis oğlu Abbasov 6 dekabr 1971-ci ildə Gəncədə anadan olub. O, aktyor fəaliyyətinə 1992-ci ildə Gəncə Dövlət Nizami Poeziya Teatrında başlayıb.
Sənətkar 13 fevral 2014-cü ildə Prezident tərəfindən Azərbaycanın Əməkdar artisti fəxri adına layiq görülüb.
Hazırda Gəncə Dövlət Dram teatrında fəaliyyət göstərir. Burada çalışdığı illər ərzində aşağıdakı rolları ifa edib:
- "Dəli Domrul" – Domrul;
- "Ana" – Səlim;
- "Sabir dərdi" – M.Ə.Sabir;
- "Aslan və Fərhad" – Fərhad;
- "Oqtay Eloğlu" – Aslan bəy;
- "Mahnı dağlarda qaldı" – Nicat;
- "Unuda bilmirəm” – Kamran;
- "Afət" – Toğrul;
- "Evlənmə" – Kockaryov;
- "Skapenin kələkləri" – Skapen;
- "Müsyo Jordan və Dərviş Məstəli şah" – Dərviş;
- "Cəhənnəmdən cənnətə" – kişi;
- "Dəli yığıncağı" – Fazil;
- "Ağ bayraqlar" – Limon;
- "Cavad Xan" – Cavad Xan;
- "Kral Ölür" – kral;
- "Xanuma" – Niko.
Elxan Yunis, həmçinin bir sıra film və seriallarda rol alıb. O, tamaşaçıların yaddaşında “Vicdan haqqı”nın “Kamil”i və “Yuxu kimi”nin “Çinar”ı olaraq qalır.
