Misli Premyer Liqasının XXXVI turunda qərb bölgəsinin iki əzəli rəqibi qarşı-qarşıya gələcək.
Gencexeber.az məlumat verir ki, mövsümün son matçı bölgəmizdə futbol bayramına çevriləcək. Azərbaycan futbolunun ən həyəcanlı qarşılaşmalarından biri mayın 25-də Tovuz şəhər stadionunda keçiriləcək. Matçda meydan sahibi “Turan Tovuz” “Kəpəz”i qəbul edəcək.
Saat 17:00-da start götürəcək bu duel hər iki klub üçün həm simvolik, həm də emosional məna daşıyır. Hər iki komanda azarkeşlərinə qələbə hədiyyə etmək niyyətindədir.
Qarşılaşma “CBC Sport” vasitəsilə canlı yayımlanacaq.
