Gəncəli idmançıların çempionatda mübarizəsi davam edir. Bu haqda 6 dekabr tarixində Azərbaycan Boks Federasiyasına istinadən xəbər veririk.
Kişi boksçular arasında Azərbaycan çempionatının növbəti döyüşləri keçirilib. Turnirə 41 komanda qatılıb. Onların arasında Nizami yurdunun yetirmələri də yer alıblar.
Təmsilçimiz Xəlil Kazımov rəqibi Nurlan Malikov ilə qarşılaşıb. 67 kq çəki dərəcəsində döyüşən idmançımız qalib qəlib. Görüş 4:0 hesabı ilə bitib.
Digər idmançımız olan Nicat Qurbanov 75 kiloqram çəki dərəcəsində mübarizəyə qatılıb. Boksçu rəqibi - “Qızıl əlcək” İdman Klubunun yetirməsi Rasim Əliyevə məğlub olub. Döyüş 3:2 hesabı ilə başa çatıb.
1/4 final mərhələsində isə Mirxəyal Məmmədov mübairzə aparıb. İdmançımız 92 kiloqram çəki dərəcəsində Meraj Tağıyev ilə qarşılaşıb. O, rəqibinə tam üstünlüklə qalib gəlib.
