Gəncədə bir neçə məhkəmədə yeni təyinat olub. Bu haqda 11 oktyabr tarixində Prezident.az saytına istinadən məlumat veririk.
Prezident İlham Əliyev "Bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında" Sərəncam imzalayıb. Sənədə əsasən, beş nəfər Nizami yurdunda hakim təyin olunub. Onların siyahısı aşağıdakı kimidir:
- Leyla Kamil qızı Əliyeva - Gəncə İnzibati Məhkəməsi;
- Ramiq Ramis oğlu Qələndərzadə - Gəncə Kommersiya Məhkəməsi;
- Cəmil İsmayıl oğlu Bəşirov və Tariyel Şirindil oğlu Quliyev - Gəncə Hərbi Məhkəməsi;
- Liza Əliəşrəf qızı Xanməmmədova - Gəncə Şəhər Məhkəməsi.
Bundan başqa, üç nəfər vəzifəsindən azad olunaraq, başqa təyinat alıb. Onlar aşağıdakılardır:
- Kamran Nüsrət oğlu Muxtarov və Nurəddin Nizami oğlu Hüseynli Gəncə Hərbi Məhkəməsinin hakimi vəzifəsindən azad olunublar;
- Kənan Zakir oğlu Hüseynov Gəncə Şəhər Məhkəməsinin hakimi vəzifəsindən azad olunub.
Sərəncam imzalandığı gündən qüvvəyə minir.
