8 Mart - Beynəlxalq Qadınlar Günü münasibətilə bir qrup təhsil işçisi təltif olunub.
Gəncə-Daşkəsən Regional Təhsil İdarəsinin və Azərbaycan Təhsil İşçiləri Azad Həmkarlar İttifaqı Gəncə şəhər Komitəsinin birgə təşkilatçılığı ilə Beynəlxalq Qadınlar Günü münasibətilə təhsil sahəsində səmərəli fəaliyyəti ilə seçilən bir qrup qadın təhsil işçisi ilə görüş keçirilib.
Gencexeber.az bildirir ki, görüşdə Gəncə-Daşkəsən Regional Təhsil İdarəsinin müdiri Elçin Kərimov, Tədrisin keyfiyyəti sektorunun müdiri Elmin Məmmədtağıyev, Azərbaycan Təhsil İşçiləri Azad Həmkarlar İttifaqı Gəncə şəhər Komitəsinin sədri Niyazi Nəbiyev və bir qrup qadın təhsil işçiləri iştirak edib.
Çay süfrəsi ətrafında baş tutan görüşdə çıxış edənlər qadın təhsil işçilərini bu əlamətdar gün münasibətilə səmimi qəlbdən təbrik edərək, onların gənc nəslin formalaşmasında, bilik və bacarıqlarının inkişafında, milli-mənəvi dəyərlərin qorunub yaşadılmasında mühüm rol oynadıqlarını vurğulayıblar.
Sonda tədbirdə iştirak edən qadın təhsil işçilərinə 8 Mart - Beynəlxalq Qadınlar Günü münasibətilə Fəxri Fərman və hədiyə təqdim edilib.
[caption id="attachment_80462" align="alignnone" width="696"]
[/caption]
[caption id="attachment_80461" align="alignnone" width="696"]
[/caption]
[caption id="attachment_80463" align="alignnone" width="696"]
[/caption]
