Gəncədə bir sıra ticarət və ictimai iaşə obyektlərində yoxlamalar aparılıb. Bu haqda 20 iyun tarixində AQTA-ya istinadən məlumat veririk.
Azərbaycan Respublikası Qida Təhlükəsizliyi Agentliyinin əməkdaşları şəhər ərazisində fəaliyyət göstərən müəssisələrdə reyd keçiriblər. Nəticədə nöqsanlar aşkarlanan obyektlər aşağıdakılardır:
- "Gəncə Səbəti" mağazası, Ruzigar Qasımov küçəsi, 64A - obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;
- "Şərq" restoranı, Cavadxan küçəsi, 39C - baytarlıq şəhadətnaməsi və ya arayışı olmayan heyvan mənşəli məhsulların qəbulu;
- "Agüloğlu" restoranı, H.Əliyev prospekti, 438 - qida təhlükəsizliyi qeydiyyatına dair çıxarışın olmaması.
Aşkar edilmiş nöqsanların aradan qaldırılması ilə bağlı icrası məcburi göstərişlər verilib.
