Gəncənin Atatürk prospektində 95 saylı aptekin yerləşdiyi binanın qarşısında iki lük çöküb.
Gencexeber.az-a bu barədə bina sakinləri tərəfindən şikayət daxil olub.
Sakinlər bildirir ki, lüklərdən biri köhnədir, digəri isə yeni su və kanalizasiya xətləri çəkilən zaman quraşdırılıb:
“Lükların çökməsi səbəbindən həyətdə maşın sürmək və park etmək çətinləşib. Lükların yan-yana olması isə problemi daha da artırır. Azyaşlı övladı olan valideynlər də sözügedən haldan şikayətçidir. Bina sakinləri olaraq aidiyyəti qurumlardan problemin həlli istiqamətində addım atılmasını gözləyirik. Çox xahiş edirik, heç bir bədbəxt hadisə baş vermədən vəziyyət aradan qaldırılsın”.
