Gəncəli vəzifəli şəxs baş prokuror tərəfindən təltif olunub. Bu haqda 17 oktyabr tarixində Vəkillər Kollegiyasına istinadən məlumat veririk.
Baş prokuror Kamran Əliyev Vəkillər Kollegiyasının sədri Anar Bağırovu təltif edib. Ona "Prokurorluq orqanları ilə səmərəli əməkdaşlığa görə" medalı təqdim olunub.
Qeyd edək ki, Anar Ramiz oğlu Bağırov 19 iyun 1976-cı ildə Gəncədə anadan olub. 1997-ci ildə Bakı Dövlət Universitetinin hüquqşünaslıq ixtisası üzrə bakalavriat, 1999-cu ildə isə Mülki hüquq istiqaməti üzrə magistratura pilləsini fərqlənmə diplomu ilə bitirib.
7 dekabr 2017-ci il tarixində Azərbaycan Respublikası Vəkillər Kollegiyası üzvlərinin Konfransında Rəyasət Heyətinin sədri vəzifəsinə seçilib.
