“Azərbaycanda Ailə mədəniyyəti telekanalı olmalıdır”.
Report.аz xəbər verir ki, bunu Milli Məclisin Ailə, qadın və uşaq məsələləri komitəsinin sədri Hicran Hüseynova komitənin bugünkü iclasında Ailə, Qadın və Uşaq Problemləri üzrə Dövlət Komitəsinin 2024-cü il üzrə məlumatının müzakirəsi zamanı deyib.
O qeyd edib ki, ailə və cəmiyyətin maarifləndirilməsi üçün bu, vacibdir:
“Ailə problemləri ilə bağlı müzakirələr həmin telekanalda aparılmalıdır. Süni intellektin geniş tətbiqindən sonra bəzi peşələr aradan qalxacaq. Xüsusilə, qadınların üstünlük təşkil etdiyi peşələr sıradan çıxacaq. Onsuz da qadınlar az maaş alırdılar, peşələrin azalması daha da problem yaradacaq”.
