Azərbaycanda Ədliyyə Nazirliyinin penitensiar müəssisələrində 2026-cı ilin ilk yarısında 64 ölüm faktı qeydə alınıb. Bu göstərici 2025-ci ilin eyni dövrü ilə müqayisədə 24,7% azdır.
Bu barədə Ədliyyə Nazirliyindən bildirilib.
2025-ci ilin ilk yarısında penitensiar müəssisələrdə 85 ölüm faktı qeydə alınmışdı.
2024-cü ilin ilk yarısında isə ölüm faktlarının sayı 95 olub.
Beləliklə, 2024-cü ilin ilk yarısı ilə müqayisədə 2026-cı ilin ilk yarısında ölüm halları 32,63% azalıb.
Ədliyyə Nazirliyinin penitensiar müəssisələrində 2024-cü il ərzində 171, 2025-ci ildə isə 153 ölüm faktı qeydə alınıb. İki ilin müqayisəsində ölüm hallarının sayı 10,53% azalıb.
Mənbə: anews.аz
