Gəncədə avtomobil bazarında durğunluq yaşanır. Bu haqda 25 oktyabr tarixində Kəpəz televiziyasına istinadən xəbər veririk.
Avtomobil bazarında ticarət zəifləyib. Bu vəziyyətin səbəbi isə qiymətlərlə bağlıdır. 2-3 ay əvvəlki qiymətlərlə müqayisədə bahalaşma 2 min manatadəkdir.
Alıcıların sozlərinə görə, bazardakı avtomobillərin qiyməti münasib deyil. Xarici, həm də sovet avtomobillərinin qiymətlərində artım var. Satıcılar isə əksinə, qiymətlərin normal olduğunu hesab edirlər. Onlar, həmçinin xaricdən avtomobillərin gətirilməsinin baha başa gəldiyini bildiriblər.
Məsələ ilə bağlı nəqliyyat eksperti Eldəniz Cəfərov qeyd edib ki, durğunluq regiondakı geosiyasi və iqtisadi vəziyyətlə də bağlıdır. Ekspert, həmçinin əlavə edib ki, ilin sonuna kimi qiymətlərdə ucuzlaşmanın olacağı gözlənilmir.
