Samux rayonunda yol-nəqliyyat hadisəsi baş verib.
Gencexeber.az-ın məlumatına görə, qəza Gəncə–Samux avtomobil yolunun rayon ərazisindən keçən hissəsində qeydə alınıb. Hərəkətdə olan "Khazar" markalı minik avtomobili idarəetmədən çıxaraq yolun kənarına aşıb.
Hadisə nəticəsində 1991-ci il təvəllüdlü N.Məmmədov və avtomobildə olan daha iki sərnişin xəsarət alıb. Yaralılar dərhal xəstəxanaya yerləşdirilib.
Xəsarət alan iki nəfərin vəziyyəti normal, avtomobilin sürücüsü N.Məmmədovun vəziyyəti isə ağırdır.
Hadisə yerinə polis əməkdaşları cəlb olunub. Faktla bağlı araşdırma aparılır.
