İspaniyanın Las-Palmas-de-Qran-Kanariya şəhərində cüdo üzrə yeniyetmələr arasında Avropa çempionatı keçirilib.
Gencexeber.az bildirir ki, yarışda Gəncə şəhər 1 nömrəli Uşaq-Gənclər İdman-Şahmat Məktəbinin (UGİŞM) cüdo bölməsinin yetirmələri Məmmədov Sadiq (73 kq) II yerə, Qarayev İlkin (66 kq) isə III yerə layiq görülüblər.
Bu münasibətlə Ulu Öndər Heydər Əliyevin adını daşıyan park-kompleksdə qarşılanma mərasimi reallaşıb.
Avropa mükafatçılarını Gəncə şəhər 1 nömrəli UGİŞM-in direktoru Ramil Qasımov, Gəncə-Daşkəsən Regional Gənclər və İdman İdarəsinin rəisi Elşən Hüseynov, "Əməkdar məşqçi" Əli Hacıyev, Gəncə İdman Liseyinin direktoru Mehman Allahverdiyev və idmançılar qarşılayıb.
İdmançıların məşqçiləri İsmayılov Samir, Allahverdiyev Hüseyn və medalçıların valideynləri tədbiri təşkil edənlərə minnətdarlıq bildirərək qarşıdan gələn yarışlarda əzmlə hazırlaşıb nəticə verməyə çalışacaqlarını vurğulayıblar.
