Gəncədə ali təhsil müəssisələri arasında universitetlərarası basketbol turnirinin final oyunu baş tutub.
Gencexeber.az məlumat verir ki, birinci yer uğrunda Azərbaycan Texnologiya Universiteti (ATU) ilə Gəncə Dövlət Universitetinin (GDU) komandaları mübarizə aparıb. Həlledici oyunda ATU komandası 98:55 xal hesabı ilə qalib gələrək kuboka sahib olub.
Yarışda ikinci yeri Gəncə Dövlət Universitetinin tələbələri, üçüncü yeri isə Mingəçevir Dövlət Universitetinin komandasına qalib gələn Azərbaycan Dövlət Aqrar Universiteti gəncləri tutub.
Komandalar kubok, medal və fəxri fərmanla təltif olunublar.
Qeyd edək ki, yarış Azərbaycan Texnologiya Universiteti, Azərbaycan Basketbol Federasiyası və “Rövşən Oğuz Qrup” MMC-nin təşkilatçılığı ilə ümummilli lider Heydər Əliyevin anadan olmasının 102 illiyinə həsr olunub.
