Gəncənin Atatürk prospektində asfalt örtüyünün səhv vurulması sürücülər üçün qəza şəraiti yaradır.
Gencexeber.az-a bu barədə sürücülər tərəfindən şikayət daxil olub.
Bildirilib ki, yeni asfalt örtüyü köhnəsi qaşınmadan salındığı üçün kanalizasiya quyusu dərin çuxura çevrilib:
“Çuxurun ətrafında isə xəbərdaredici heç bir yol nişanı qoyulmayıb. Nəticədə də maşınlar həmin çuxura düşür və qəza vəziyyəti yaranır. Xahiş edirik ki, müvafiq qurumlar bu problemi aradan qaldırsın. Öz səhvləri ucbatından bizim həyatımızı təhlükəyə atırlar”.
Məlumat üçün bildirək ki, sözügedən prospekt şəhərin ən işlək yollarından biridir.
