Nazirlər Kabineti Gəncədə yerləşən “Azərbaycan Dövlət Aqrar Universiteti” barədə qərar verib. Bu haqda 25 aprel tarixində Nazirlər Kabinetinə istinadən xəbər veririk.
Qərara əsasən, “Azərbaycan Dövlət Aqrar Universiteti” publik hüquqi şəxsin nəzdində “Gəncə Dövlət Aqrar Kolleci” publik hüquqi şəxs yaradılıb. Bu qərarın birinci hissəsi ilə yaradılan publik hüquqi şəxsin təsisçisinin səlahiyyətlərinin həyata keçirilməsi aşağıdakılara həvalə edilir:
- Azərbaycan Respublikasının Nazirlər Kabinetinə publik hüquqi şəxsin yenidən təşkili və ləğv edilməsi;
- Azərbaycan Respublikasının Kənd Təsərrüfatı Nazirliyinə yuxarıda qeyd edilənlər istisna olmaqla, “Publik hüquqi şəxslər haqqında” Azərbaycan Respublikası Qanunu ilə publik hüquqi şəxsin təsisçisinin səlahiyyətlərinə aid edilmiş digər məsələlərin həll edilməsi;
- Azərbaycan Respublikasının Kənd Təsərrüfatı Nazirliyinə Gəncə Dövlət Aqrar Kollecinin dövlət qeydiyyatına alınması üçün “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada tədbirlər görmək tapşırılıb.
