18 yaşlı gəncəli kikboksçu Almaniyada beynəlxalq turnirin qalibi olub.
Gencexeber.az-ın məlumatına görə, 18 yaşlı Rəşad Vəliyev Almaniyanın Hamburg şəhərində keçirilən “German Open” beynəlxalq turnirdə qələbə qazanıb. 63.5 kiloqram çəki dərəcəsində çıxış edən gənc idmançı bütün rəqiblərini məğlub edərək fəxri kürsünün ən yüksək pilləsinə qalxıb.
Qeyd edək ki, əslən Gəncə şəhərindən olan Rəşad 9 ildir Almaniyada yaşayır. O, 2024-cü ildə də kikboksinq üzrə Almaniya çempionu tituluna sahib çıxıb. Göstərdiyi yüksək nəticələrə görə isə yaşadığı Zaltskotten şəhərində “İlin idmançısı” adına layiq görülüb. Həmçinin bu münasibətlə şəhərin meri tərəfindən rəsmi şəkildə təltif edilib.
Hazırda “Karl Heinz” klinikasında təhsil alaraq paralel olaraq işləyir. Burada tibb sahəsində “Ausbildung” (peşəkar təhsil) proqramı çərçivəsində burun-boğaz ixtisası üzrə həm nəzəri dərsləri alır, həm də praktiki biliklərini tətbiq edir.
