Almaniyada professor elmi adını qazanan ilk azərbaycanlı alim, tibb üzrə professor Pərvanə Hacıyevanın doğum günüdür.
Gencexeber.az məlumat verir ki, 1973-cü il avqustun 11-də Marneulidə anadan olan Pərvanə Hacıyeva orta təhsilini Gəncədə davam etdirib və 1989-cu ildə şəhərin 17 nömrəli məktəbini gümüş medalla bitirib.
O, Bakı Dövlət Universitetinin Tibbi biologiya fakültəsini bitirdikdən sonra elmi fəaliyyətini İtaliya və Almaniyada davam etdirib. 2016-cı ildə Mayns Universitetində professor elmi adını qazanıb.
Pərvanə Hacıyeva hazırda tibbi biologiya, mitoxondrial xəstəliklər, hüceyrə adaptasiyası və metabolizm sahələrində elmi araşdırmalar aparır. Onun çoxsaylı elmi məqalələri beynəlxalq nəşrlərdə dərc olunub.
