Ağstafa rayonunun Dağkəsəmən kəndində ilk dəfə olaraq 3,2 hektar sahədə qulançar bitkisi əkilib.
AZƏRTAC xəbər verir ki, məqsəd idxaldan asılılığı azaltmaq və bu sahədə ixrac potensialı yaratmaqdır. Qulançar toxumları ABŞ-dan gətirilib və ilkin mərhələdə Kürdəmir rayonunda sınaqdan keçirildikdən sonra Ağstafaya transplantasiya olunub.
Fermerlər məhsulun ekoloji təmiz və yüksək proteinli olduğunu bildirir. Gələcəkdə sahənin 45 hektara qədər genişləndirilməsi və məhsulun daxili bazarla yanaşı Rusiya, Türkiyə və Yaxın Şərqə ixracı planlaşdırılır.
Mütəxəssislər bu bitkinin region üçün məhsuldar və iqtisadi baxımdan sərfəli olduğunu vurğulayır.
