Gəncədə anadan olmuş Qəhrəman Əsgərov İkinci Dünya müharibəsində partizan kimi göstərdiyi şücaətlə yadda qalıb.
Gencexeber.az məlumat verir ki, 15 iyul 1921-ci ildə Gəncədə dünyaya gələn Qəhrəman Məhərrəm oğlu Əsgərov 1941-ci ildən cəbhədə döyüşüb, sonradan partizan dəstəsinə qoşularaq düşmənin arxa xəttində qəhrəmanlıq göstərib. 1943-cü ildə Belarusda almanlara qarşı aparılan döyüşlərdə iştirak edib, mühasirəyə düşmüş silahdaşlarını xilas edib.
O, düşmən zavodlarını yandırıb, körpüləri partladıb, mühüm sənədləri ələ keçirərək böyük şücaət göstərib.
Qəhrəman Əsgərov göstərdiyi şücaət və qəhrəmanlığa görə 1-ci dərəcəli “Vətən Müharibəsi ordeni”, 1-ci dərəcəli “Vətən müharibəsi partizanı” medalı, “İgidliyə görə” medalı ilə təltif edilib.
“O, bizim aramızda yeganə azərbaycanlı olmaqla, böyük Azərbaycan xalqının nəcibliyini, mərdliyini layiqincə təcəssüm edib. Partizanlar arasında o, müstəsna hörmətə və sevgiyə malik idi” – moskvalıların birləşmiş dəstəsinin əfsanəvi "Artur" ləqəbli komandiri, polkovnik-leytenant İ.F.Zolotar xatirələrində yazırdı.
Əsgərov 2009-cu ildə doğma Gəncə şəhərində dünyasını dəyişib.
