Gəncədə şəhər rəsmilərindən biri dünyasını dəyişib. Bu haqda 7 oktyabr tarixində İcra Hakimiyyətinə istinadən məlumat veririk.
Azərbaycan Dövlət İdarələr və İctimai Xidmət İşçiləri Həmkarlar İttifaqının Gəncə Şəhər Komitəsinin sədri Ülviyyə Vəliyeva vəfat edib. O, 2018-ci ildən bu vəzifəni icra edirdi.
Ülviyyə Məmməd qızı Vəliyeva 24 iyun 1973-cü ildə Gəncədə ziyalı ailəsində anadan olub. 1998-ci ildən 2015-ci ilədək Dövlət İdarələri və İctimai Xidmət İşçiləri Həmkarlar İttifaqının Mingəçevir şəhər komitəsində baş mühasib, 2015-ci ildən 2018-ci ilədək Komitənin sədri vəzifəsində işləyib.
Əmək fəaliyyəti ilə yanaşı, Ülviyyə Vəliyeva, həmçinin yaradıcılıq işləri ilə də məşğul olub. Yazdığı əsərləri, şeirləri həmişə dövrü mətbuatda çap edilərək oxuculara təqdim edilib.
Mərhumun iki övladı var.
