Mingəçevirdə yaşayış binasında ilan zərərsizləşdirilib.
Unikal.аz xəbər verir ki, hadisə M.Ə.Sabir küçəsi 3 saylı ünvandakı yaşayış binasının blokunda qeydə alınıb. İlan orada çalışan usta tərəfindən öldürülərək zərərsizləşdirilib.
Məsələ ilə bağlı Dezinfeksiya Stansiyasından bildirilib ki, hadisə barədə məlumatlıdırlar və Mənzil Təsərrüfatı və Abadlaşdırma İdarəsi ilə müvafiq addımlar atılacaq.
Eyni zamanda açıqlamada o da qeyd olunur ki, bu yaxınlarda şəhərin Nizami küçəsində də oxşar hadisə yaşanıb. O zaman isə ilan evdə peyda olub və ev sahibi tərəfindən öldürülüb. M.Ə.Sabir küçəsində baş vermiş hadisə ilə bağlı Mənzil Təsərrüfatı və Abadlaşdırma İdarəsinə daxil olan müraciət əsasında əməkdaşlar əraziyə baxış keçirib.1 saylı Mənzil İstismar Sahəsinin müdiri Yaqub Yadigarovun verdiyi məlumata görə, ərazidə ilan görünməsi kimi bir hadisə ilk dəfədir ki, müşahidə olunur. Bina və zirzəmi əməkdaşlar tərəfindən dezinfeksiya olunub.
