Gəncəli Nihat Səfərov adlı gənc sosial şəbəkələrin əsl fenomeninə çevrilib.
Gencexeber.az məlumat verir ki, onun davranışı həm yerli sakinlərin, həm də internet istifadəçilərinin diqqətini çəkib. Britaniyanın məşhur "Peaky Blinders" serialının baş qəhrəmanı Tomas Şelbidən ilham alan Nihat Birinci Dünya Müharibəsindən sonra Qərbi Avropada 1920-ci illərin kişi modasına xas üslubda geyinir.
Nihatı daha da qeyri-adi edən onun şəhər küçələrindəki hərəkətləridir. O, kiçik bir qonorar qarşılığında - təxminən 5 manata pişik səsləri çıxarır. Bu “unikal” tamaşa şəhər sakinləri və qeyri-adi onlayn məzmun həvəskarları arasında əsl hitə çevrilib.
Nihat Səfərov artıq xarizması və özünüifadəyə qeyri-ənənəvi yanaşması ilə diqqəti cəlb edib.
Bəzi sosial şəbəkə istifadəçilərin fikrincə, bəlkə də bu, Gəncənin internet mədəniyyətində yeni dövrün başlanğıcıdır. Lakin yeni dövrün müsbətə və ya mənfiyə apardığı dəqiqləşdirilmir.
