Samux rayonunda bədbəxt hadisə baş verib.
Gencexeber.az-a verilən məlumata görə, hadisə rayonun Ziyadlı kəndində qeydə alınıb. Kənd sakini, 1981-ci il təvəllüdlü Zahid Məmmədov inəyin hücumuna məruz qalıb.
Nəticədə zərərçəkmiş müxtəlif bədən xəsarətləri alıb. O, Gəncə şəhərində yerləşən Abbas Səhhət adına xəstəxananın Təcili yardım şöbəsinə yerləşdirilib.
Hazırda Zahid Məmmədovun vəziyyətinin orta ağır olduğu bildirilir.
