"Anası tərəfindən imtina olunan uşaq Körpələr evinə yerləşdiriləcək".
Bunu Gencexeber.az-ın sorğusuna cavab olaraq Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu bildirib.
Qurum rəsmisi əlavə edib ki, hazırda məsələ nəzarətdə saxlanılır:
"Gəncədə uşağından imtina edən ana ilə Sosial Xidmətlər Agentliyinin əməkdaşları görüşüb. Ona sosial yardım təklif olunub, lakin qadın razılaşmayıb. Hazırda körpənin ümumi vəziyyəti yaxşıdır. Bir müddətdən sonra Körpələr evinə yerləşdiriləcək. Məsələ Komitə tərəfindən nəzarətdə saxlanılır".
Qeyd edək ki, ötən axşam cinsiyyəti qız olan körpə anası tərəfindən Gəncə şəhər 2 nömrəli Birləşmiş Uşaq Xəstəxanasına gətirilib. Ana körpədən imtina etdiyini bildirərək onun körpələr evinə verilməsini istəyib.
