Ağstafada 37 yaşlı kişi 11 yaşlı Türkiyə vətəndaşına təcavüz edib.
Gencexeber.az-ın məlumatına görə, hadisə rayonun Qırılı kəndində baş verib.
Belə ki, kənd sakini,1988-ci il təvəllüdlü Vüsal Abbasov ötən ilin avqust ayında həmin kənddə məskunlaşan 2013-cü il təvəllüdlü Türkiyə vətəndaşı Sibelə (ad şərtidir) qarşı seksual xarakterli hərəkətlər edib. Hadisə günü Vüsal sərxoş olub. O, qızın anasının işə getdiyini görərək onun yaşadığı evə gedib, 11 yaşlı qızın tək olmasından istifadə edərək Sibelə qarşı zor tətbiq edib. Vüsal cinsi ehtirasını təmin etmək məqsədi ilə yatılı vəziyyətdə olan azyaşlı qıza yaxınlaşaraq toxunmağa, öpməyə və seksual xarakterli digər hərəkətlər etməyə başlayıb.
Qızın qışqıracağını görən Vüsal hadisə yerindən qaçıb. Sibel bu barədə anasına danışıb. Hüquq-mühafizə orqanlarının keçirdikləri əməliyyat zamanı cinayəti törədən Vüsal saxlanılıb. Cinayət işinin araşdırılması üçün toplanan materiallar Gəncə Ağır Cinayətlər məhkəməsinə göndərilib.
Məhkəmədə keçirilən iclasda Vüsal Abbasov özünü təqsirli bilməyib. O, ifadəsində qeyd edib ki, pis niyyəti olmayıb, sərxoş olduğu üçün bilmədən azyaşlının otağına girib.
Tərəflərin ifadəsindən sonra Vüsal Abbasovun cinayət əməli sübuta yetirilib. Məhkəmənin hökmü ilə o, 15 il azadlıqdan məhrum edilib.
Fidan İlqar
