Gəncədə bu həftə keçiriləcək idman tədbirləri açıqlanıb. Bu haqda 25 sentyabr tarixində Gənclər və İdman İdarəsinə istinadən məlumat veririk.
Gənclər və İdman Nazirliyi həftəlik idman cədvəlini paylaşıb. Plana əsasən, yeniyetmələr arasında 27 Sentyabr - Anım Gününə həsr olunmuş minifutbol turniri keçiriləcək. Yarış 27 sentyabr saat 16:00-da Yeni Gəncə qəsəbəsinin süni örtüklü futbol meydançasında təşkil olunacaq.
Bundan başqa, bu gün, 25 sentyabrda Turab Bayramovun xatirəsinə həsr olunmuş sərbəst güləş üzrə yeniyetmələr arasında turnir və atletika üzrə şəhər birinciliyi baş tutub.
