Gəncə şəhərinin Nəvai küçəsində sakinlərin yolda özbaşına süni maneə yaratması narazılığa səbəb olub.
Gencexeber.az-a müraciət edən yerli sakinlərin sözlərinə görə, cəmi 100-150 metr uzunluğu olan bu küçədə artıq 5 “tramplin” yerləşdirilib.
İddia olunur ki, əvvəlcə küçənin müxtəlif nöqtələrində 3 “tramplin” qurulub, sonra isə daha 2-i əlavə olunub – özü də birbaşa küçənin giriş və çıxış hissələrinə.
Beləliklə, sürücülər hər 20 metrdən bir maneə ilə qarşılaşır, bu da həm hərəkətə ciddi narahatlıq yaradır, həm də avtomobillərə zərər vurur.
Sakinlər aidiyyəti qurumların bu məsələyə diqqət yetirilməsini, qanunsuz quraşdırılan “tramplin”lərin aradan qaldırılmasını tələb edirlər.
