Gəncənin Mehdi Mehdizadə adına 4 nömrəli xarici dil təmayüllü məktəb-liseyin 7e sinif şagirdi Gülnaz Abdullazadə beynəlxalq arenada növbəti uğura imza atıb.
Gencexeber.az-ın məlumatına görə, Gülnaz "TEFL Wonderland-Brilliant Minds" təşkilatının Misirin Hurqada şəhərində keçirdiyi Beynəlxalq İngilis dili Olimpiadasının Global Final mərhələsində birinciliyi qazanıb.
25-dən çox ölkədən minlərlə şagirdin iştirak etdiyi "Wonderland English Bee" (WEB) olimpiadasında Gülnaz I yer tutaraq qızıl medal və 300 ABŞ dolları məbləğində pul mükafatı ilə təltif olunub.
O, həmçinin "Wonderland Adventures Worldwide" (WAW) yarışmasında da II yer qazanaraq gümüş medal əldə edib.
