Göyçay şəhərində keçirilən taekvando yarışı Gəncə idman ictimaiyyəti üçün uğurlu nəticə ilə yadda qalıb.
Gencexeber.az-ın məlumatına görə, yarışda Gəncə taekvando məktəbinin yetirmələri, milli dərəcəli hakimlər – Qurban İbrahimov və Cahangir Əliyev hakim kimi göstərdikləri yüksək peşəkarlıq, düzgün qərarlar və obyektiv yanaşmaya görə "Yarışın ən yaxşı hakimi" adına layiq görülüblər.
Hər iki idmançı Gəncə şəhəri 1 nömrəli Uşaq-Gənclər İdman-Şahmat məktəbinin yetirmələri və Gəncə Taekvando Klubunun üzvləridir.
Qeyd edək ki, Gəncədə taekvando sahəsində yetişən gənc hakimlərin region və respublika yarışlarında bu cür uğurlarla fərqlənməsi son illər idman mühitində artan peşəkarlığın göstəricisi kimi qiymətləndirilir.
