Gəncədə güclü yağışdan sonra fəsadlar yaranıb. Bu haqda Gencexeber.az-a 7 iyun tarixində məlumat daxil olub.
Gecə saatlarında şəhərdə güclü külək əsib. Daha sonra ildırımla müşayiət olunan leysan başlayıb. Güclü yağış yollarda sel şəklində axınlar yaradıb.
Kanalizasiya quyuları dolub-daşıb. Suyun gur axması piyadaların və avtomobillərin hərəkətində çətinliklər yaradıb. Güclü yağışlar evlərin həyətlərinin su ilə dolmasına səbəb olub.
