Gəncədə üç il davam edən məhkəmə prosesi başa çatıb. Bu haqda 5 iyun tarixində Qafqazinfo-ya istinadən məlumat veririk.
Tovuzun Dondar Quşçu kəndində 10 yaşlı Nərmin Quliyevanı öldürüb cəsədini yandırmaqda ittiham olunan İlkin Süleymanovun cinayət işi üzrə məhkəmə araşdırması yekunlaşıb. Gəncə Ağır Cinayətlər Məhkəməsində hökm oxunub.
Belə ki, İlkin Süleymanov ittiham olunduğu maddələrlə təqsirli bilinərək 18 il azadlıqdan məhrum edilib. Hökmün elan edilməsindən sonra İlkinin ailəsi buna etiraz edib və məhkəmə zalında gərginlik yaşanıb.
Qeyd edək ki, hadisə 2020-ci ildə baş verib. 50 yaşlı İlkin Süleymanov həmkəndlisi - 10 yaşlı Nərmin Quliyevanı oğurlayıb xüsusi amansızlıqla öldürməkdə və sonra cəsədini yandırmaqda ittiham edilib.
