Taksi və avtobus sürücülərinin koronavirus infeksiyasına qarşı ikinci doza ilə peyvənd olunmaları ilə bağlı reydlər keçirilib. Bu haqda Gencexeber.az 2 oktyabr tarixində “Kəpəz” televiziasına istinadən xəbər verir.
Şəhərin bir neçə yerində asayiş keşikçiləri qeyd olunan nəqliyyat vasitələrinin sürücülərinin vaksin pasportlarının olub-olmamasını yoxlayıblar. Əksər sürücülərin peyvənd olunduqları müşahidə edilib.
Covid-19 pasportu olmayan ictimai nəqliyyat sürücüləri məsuliyyətə cəlb olunublar.
Qeyd edək ki, yoxlamalar Gəncə şəhər baş polis idarəsinin Dövlət Yol Polisi şöbəsinin əməkdaşları tərəfindən aparılıb.
