Gəncədə baş verən qəzada bir nəfər yerindəcə dünyasını dəyişib. Bu haqda Gencexeber.az-ın müxbiri 2 oktyabr tarixində xəbər verib.
Hadisə Şah İsmayıl Xətai və Dədə Qorqud prospektlərinin kəsişməsində 2 sentyabr gecə saatlarında baş verib. "Mercedes" və "Vaz-2107" markalı minik maşınları toqquşublar. Hadisə yerinə təcili tibbi yardım əməkdaşları cəlb olunsalarda, "Vaz-2107"-nin sürücü artıq vəfat etmişdir. Tibb işçiləri meyiti adiyyatı üzrə təhvil veriblər.
Şahidlərin sözlərinə görə, qəzanı "Mercedes"-i idarə edən şəxs törədib. O, işıqforun qırmızı işığı yanarkən yüksək sürətlə keçib. Sonra "Mercedes"-də olan iki nəfər yaralı vəziyyətdə hadisə yerini tərk ediblər.
Cəlb olunan polis əməkdaşları araşdırma aparıblar.
[caption id="attachment_2986" align="alignnone" width="300"]
Foto Gencexeber.az[/caption]
