Gəncədə baş verən qəza nəticəsində üç təkərli motosiklet sürücüsü xəstəxanaya qaldırılıb. Bu haqda Gencexeber.az-ın müxbiri 1 oktyabr tarixində xəbər verib.
Hadisə saat 17:00 radələrində Şah İsmayıl Xətai prospektində, Meqastorun yanında qeydə alınıb. Hərəkətdə olan motosiklet sürücüsü "Mercedes" markalı yük maşını ilə toqquşub.
Qəza nəticəsində motosiklet sürücüsü baş nahiyəsindən xəsarət alıb və ayağı qırılıb. O, Gəncə şəhər 3 nömrəli şəhər xəstəxanasına qaldırılıb.
Hadisə yerinə cəlb olunan polis əməkdaşları faktla bağlı araşdırma aparıblar.
