25.8 C
Gence
25.8 C
Gence

Dünyada ən böyük parklardan biri: Gəncənin Heydər Əliyev Park-Kompleksi

Heydər Əliyev adına Park-Kompleksi Gəncə şəhərində, Yeni Gəncə yaşayış massivində yerləşir. Parkın bünövrəsi 21 yanvar 2012-ci ildə qoyulub, açılışı isə 21 yanvar 2014-cü ildə baş tutub. Bu park-kompleks dünyanın ən böyük beş parkından biridir.

Park-kompleksi 3 mart 1979-cu ildə Yeni Gəncə yaşayış massivində salınan Heydər Əliyev parkının əsasında yaradılıb. Həmin gün burada ilk ağac əkilərək xatirə parkı salınmışdır. 1980-ci ildə Heydər Əliyev parkda çinar ağacları əkmişdir və bu ağaclar indiyədək saxlanılıb.

Parkın uzunluğu 2 kilometrdən çoxdur, ərazisi isə 450 hektardır. Parkın girişində “Zəfər Tağı” yerləşir. Girişdən başlayan və mərkəzə qədər uzanan məsafədə 17 fəvvarə və 32 bəzəkli guşə var. Kompleksdə bir göl və amfiteatr yaradılıb. Bundan əlavə, kompleksdə kafe və velosiped kirayəsi məntəqəsi də fəaliyyət göstərir.

Parkda 350 mindən çox ağac və bəzək bitkisi əkilmişdir. Burada ekzotik, yabanı meyvə ağacları var. Ərazidə Eldar şamı, Kreml şamı, kedra, maqnoliya və s. bitkilər yetişir. Həmçinin parkda çinar ağacının nadir növləri mövcuddur. Burada müxtəlif quş növləri, çöl dovşanı və dələyə rast gəlmək olur.

Kompleksin girişində “Zəfər Tağı” yerləşir. Heydər Əliyev Park-Kompleksində “Gənclər Evi” tikilib. Burada müxtəlif tədbirlərin keçirilməsi üçün iclas zalları, hərbi vətənpərvərlik mərkəzləri, studiyalar yaradılıb. Həmçinin park-kompleksdə Heydər Əliyev Mərkəzi də fəaliyyət göstərir.

Açıq havada “GəncLand” adlı istirahət və əyləncə mərkəzi inşa edilib. İstirahət mərkəzi ərazisində 20 müxtəlif attraksion quraşdırılıb. Həmçinin avtodrom və oyun meydançası da fəaliyyət göstərir.

Foto Gencexeber.az
Foto Gencexeber.az
Foto Gencexeber.az
Foto Gencexeber.az
Foto Gencexeber.az
Foto Gencexeber.az

Mənbələr: 

  1. http://heydaraliyevcenterganja.com/heyder_eliyev_park_kompleksi_haqqinda/218-heydr-lyev-adina-park-kompleks.html
  2. https://en.president.az/articles/10894
  3. http://www.ganjanews.az/2017/06/03/m%C9%99d%C9%99niyy%C9%99t/heyd%C9%99r-%C9%99liyev-park%C4%B1-d%C3%BCnyan%C4%B1n-%C9%99n-b%C3%B6y%C3%BCk-parklar%C4%B1ndan-biri-kimi…
  4. https://web.archive.org/web/20200223141956/http://www.ganja.az/az/m%C9%99d%C9%99niyy%C9%99t/parklar/330-heyd%C9%99r-%C9%99liyev-xatir%C9%99-park%C4%B1
  5. https://www.aznews.az/news/medeniyyet/121477.html

Ən Çox Oxunan